［小學豬］
今日收到派位結果
十九派第十四🥲
心情當然係好灰⋯⋯⋯
由細到大運氣唔錯今次卻倒霉到盡頭⋯
真心個句
從來都無一刻預計料過會係呢個禁灰的結果⋯
就連叩門的打算都沒有⋯
唔想👦🏻活係太大壓力下
亦唔想佢覺得排位唔好係因為自己做得唔好
所以個個心成個朝早由灰到唔接受
慢慢開始積極搜尋學校既「好」
心情開始平靜少少之後
又上網見到好多朋友話抽到首志願
之後又默默地再次感到好失望難過
責怪自己填表填得唔好
等到👦🏻放學
諗左好耐點同佢講⋯⋯⋯
對於一個仍然好鐘意幼稚園生活
仍未接受小一身份既人
點樣理解今次既小一結果呢？
佢問我：我學校好唔好？
👩🏻：嗯⋯⋯⋯唔係媽咪既選擇
👦🏻：禁good or bad...
👩🏻：（猶豫咗好耐）嗯⋯⋯not so good
👦🏻：禁我唔想！我想要good既學校
👩🏻：但如果要轉呢⋯我地需要interview
比如答問題
比如拍影片介紹自己⋯⋯
同埋我地想去interview 既學校會比較多功課
Are u ok ？
👦🏻：我唔鐘意太多功課，會好累
👩🏻：禁宜家呢間就比較少功課
但你覺得宜家幼稚園做功課會唔會太多太累？
👦🏻：唔會！好輕鬆 土
👩🏻：禁好好喎！有進步！
👦🏻：我想拍片⋯試下好學校
👩🏻：真係？
👦🏻：係呀！
👩🏻：禁我地正係嘗試一間好唔好？
盡左力，如果唔得，我地就讀返呢間
如果成功，就要做功課加油比心機⋯⋯⋯
大概既對話印象中係禁上下
我唔知呢個溝通係好定唔好
不過心情就平和返⋯⋯⋯⋯⋯⋯
好多謝大家今日關心
無論朋友、讀者、屋企人好多都有私下訊息問候
當然唔係報喜
心情仍然有點難過
被問到邊間學校
我亦係坦然地回答
不過收到好多唔同的反應怎至😱😱😱的樣時
心情真係會更加難受
所以今日未必如以往樣樣必答🥲
亦希望大家明白
不是比較
只是不如預期
心情比較複雜
亦同時感慨⋯⋯⋯香港讀書壓力真大⋯⋯
#一個港媽純粹講下經

Search